::::::
心花若開
主持人黃莉娟（阿娟）
本集主題
主題一：雨
主題二： 台語懷念老歌──鄧麗君 台語經典特輯
本集內容
主題一：雨
雨，有時是天氣，有時是感情。滴落窗外，是風景；滴落心肝底，就是故事。台語歌內底，有思念的雨、失落的雨、祝福的雨，也有成熟的雨。青春若遇著雨，是怦然；愛情若遇著雨，是考驗；人生若遇著雨，有時是放手，有時是祝福。
本集用《絕情雨》、《落雨聲》、《相思雨》、《避雨》、《沙沙雨淋濕濕》到《雨散》，一首一首，聽見感情的冷熱、親情的溫暖、青春的悔悟，亦聽見成熟的放手與祝福。
雨若一直落，是心內猶未放捨；雨散的時陣，是學習祝福。雨停，日會出，心內的花蕊，嘛會再次綻放。
主題二：台語懷念老歌──鄧麗君 台語經典特輯
提起鄧麗君，咱會記得甜蜜的華語情歌，但少年時代的她，其實是用台語唱出對鄉土的第一聲問候。十七歲的鄧麗君，用純粹、青澀的歌聲，唱〈阿媽的話〉、〈緣投囝子〉、〈安平追想曲〉、〈難忘的初戀情人〉到〈望春風〉，聲音，有鄉愁、有青春、也有台灣土地的氣味。本集，咱透過鄧麗君的台語歌，唱思念、唱親情、唱初戀、唱台灣古早的故事。雖然她已經離開幾十年，不過她的聲音，猶在春風吹過的所在，溫柔細膩，讓咱們感覺——台語歌曲的甜、台灣情的真。
LIVE