::::::
心花若開
主持人黃莉娟（阿娟）
本集主題
主題一：愛有千百種滋味——跨越語言的愛情歌//
主題二：行過情字這條路——七、八○年代臺語暢銷情歌
本集內容
主題一：愛有千百種滋味——跨越語言的愛情歌
愛情是一首唱袂煞的歌，有甜蜜、有苦澀，有勇敢的追求，嘛有囥佇心內、講袂出口的深情。本集透過臺語、華語、印尼語佮英語歌曲，聽見無仝世代、無仝文化對愛情的表達。對茄子蛋〈愛情你比我想的閣較偉大〉的認真無悔，聽到男女對唱中的試探佮咒誓；閣透過印尼情歌〈Madu Dan Racun〉，感受愛情親像蜜糖佮毒藥的兩面。最後以鳳飛飛〈愛你在心口難開〉及Leo Sayer〈More Than I Can Say〉，唱出深情『難以言喻』的心聲。無論使用佗一種語言，愛情攏會予人思念、勇敢，也予生命變甲閣較豐富。
主題二：行過情字這條路——七、八○年代臺語暢銷情歌
一首老歌，親像一條熟似的小路；旋律響起，彼當時的心情佮彼个人的形影，煞閣出現佇記持內底。下半集精選七、八○年代六首臺語暢銷情歌，對洪榮宏〈愛的小路〉的甜蜜相伴，聽到黃乙玲〈收不回的愛〉的失落、葉啟田〈純情夢〉的堅定守候、江蕙〈褪色的戀情〉的無奈，以及潘越雲〈情字這條路〉對愛的堅持佮尊嚴。最後，透過陳盈潔、潘建〈期待再相會〉，唱出離別時的毋甘佮祝福。六首歌串起相逢、付出、受傷、思念佮等待，也陪咱重溫彼个年代最真實、最動人的愛情記持。
LIVE