::::::
心花若開
主持人黃莉娟（阿娟）
本集主題
主題一：守護咱的所在——九三軍人節特別節目//
主題二：軍中情人鄧麗君經典台語歌
本集內容
主題一：守護咱的所在——九三軍人節特別節目
九月三日是軍人節，也是全民國防教育日。本集《心花若開》以「守護咱的所在」為題，對歷史的戰歌出發，透過〈臺灣軍之歌〉、〈媽媽我也真勇健〉，回望殖民、戰爭與軍旅歲月，聽見軍人背後，母親與家人的牽掛。接續〈黃埔軍魂〉、〈黃埔男兒最豪壯〉，體會軍人保家衛國、守護人民的責任；再由〈台灣進行曲〉與〈佇阮身邊〉，唱出台灣人堅韌打拚、軍民做伙守護土地的力量。回顧歷史，毋是歌頌戰爭，而是因為捌戰爭的苦，閣較了解和平、民主與自由的可貴。願咱無分族群、無分世代，萬眾一心，做伙守護台灣，守護每一个咱所愛的人。
主題二：台語懷舊老歌~軍中情人鄧麗君經典台語歌
「軍中情人」鄧麗君的歌聲，溫柔甜美，陪伴無數人行過青春歲月。提起她，大家可能先想到〈月亮代表我的心〉、〈甜蜜蜜〉；毋過，少年時期的鄧麗君，也曾演唱真濟充滿臺灣風情的台語歌謠，展現清新活潑、真摯動人的另一面。本集《心花若開》欲帶逐家行入鄧麗君的台語老歌世界，欣賞〈祖母的話〉、〈緣投囝仔〉、〈安平追想曲〉、〈難忘的初戀情人〉、〈一顆流星〉、〈快樂的出帆〉、〈望春風〉佮〈思想起〉。對少女初戀的甜蜜、人生離別的悲傷，到對故鄉和親情的思念，每一首攏是臺灣人的共同記持。做伙綴著鄧麗君迷人的歌聲，重溫彼个純樸閣有感情的老歌年代。
LIVE