::::::
心花若開
主持人黃莉娟（阿娟）
本集主題
主題一：老師，謝謝您——教師節歌聲傳心意//
主題二：永遠的小朋友——黃西田的歌聲佮人生
本集內容
主題一：老師，謝謝您——教師節歌聲傳心意
教師節欲到矣，你敢有想起佗一位老師？伊可能教你讀冊寫字，也可能佇你失去信心的時陣，鼓勵你繼續行落去。
這集《心花若開》，阿娟用〈謝謝老師〉、〈師恩深一生〉、〈感謝我的老師〉佮〈老師謝謝您〉，唱出學生對老師的感謝。秀蘭瑪雅的〈路要自己走〉，唱出陪伴佮放手的心情；林俊逸演唱的〈你打開我的眼睛〉，咱想起一位老師按怎用言語行為，幫助學生看見家己的能力。節目最後，閣來聽華山快閃演唱的〈謝謝老師〉，共祝福送予每一位用心教學的老師。
若是你心內也有一位難忘的老師，歡迎揣機會共伊講一聲：「老師，感謝您！」
主題二：永遠的小朋友——黃西田的歌聲佮人生
一聲親切的口白、一段心適的歌聲，就會予人想起黃西田。這集《心花若開》，阿娟邀請大家做伙聽伊的歌，重溫早年臺灣人的生活記憶。
〈田莊兄哥〉、〈流浪到台北〉佮〈故鄉的列車〉，唱出離鄉拍拚的人對故鄉和愛人的思念；〈恨你恨到死〉、〈難忘的人〉，有愛情失落後的心酸。閣有取材自歌仔戲故事的〈賣菜義仔〉，有婚禮中真受歡迎的〈喜酒甜茶〉，聽著伊講故事的趣味。對歌廳舞台到《草地狀元》，黃西田用歌聲佮笑容陪伴觀眾幾偌年。今仔日，咱就做伙來聽這位「永遠的小朋友」唱歌。
LIVE